Ташкент елінде ерлі-зайыпты 5 жасар қызын ұрып өлтіріп, артынша денесін өртеп жіберген, деп хабарлайды Neonomad.kz ақпарат агенттігі.
Прокуратура ақпаратына сәйкес, 4 қараша күні А. В. есімді азамат құқық қорғау орындарына 5 жасар қыздың «Компас» сауда орталығында жүріп жоғалғаны туралы хабарлаған. Осыдан кейін прокуратура мен астананың ішкі істер басқармасы жедел-тергеу тобын құрып, бүлдіршінді іздестіру жұмыстарын бастады.
Алайда тергеу-жедел тобы 5 жастағы Д.К.-ның қай жерде екенін анықтау мүмкін еместігін ескере отырып, ол кісі өлтірудің құрбанына айналуы мүмкін деген болжам жасалды және Өзбекстан Республикасы қылмыстық кодексінің 97-бабы (қасақана кісі өлтіру) бойынша дереу қылмыстық іс қозғалды, деп келтірді Stan.kz ақпарат агенттігі.
Жедел-іздестіру шараларының нәтижесінде 25 қазан күні таңертеңгі сағат 3 шамасында ерлі-зайыптылар жалға алынған пәтерде алкоголь ішіп, баласын әдейі ұрып өлтіргені анықталды. Әрі қарай қылмысты жасыру және жазадан аулақ болу үшін, ата-аналар мәйіттен құтылуға шешім қабылдады.
Сол күні, таңертең мәйітті жол жүру сөмкесіне салып, оны Ташкент облысының Бостандық ауданында жалға алынған коттеджге апарып, мәйітті өртеп жіберді. Ата-анасы дененің күйіп қалған қалдықтарын сөмкеге салып, оны Чирчик өзеніне тастады.
Бұл әрекеттен кейін ерлі-зайыптылар құқық қорғау органдарын шатастырып, нақты жағдайларды жасыру үшін баласының жоғалуын ойдан ойлап шығарды. Оқиға орнына тексеру барысында қыздың мәйітінің қалдықтары табылып, айғақтар ретінде алынды. Азаматтар А.В. мен М.Ф. қылмыстық іс жүргізу барысында ұсталды. Тергеу жалғасуда.
