Украиналық Boeing ұшағының «адам қателігінен» зымыранмен атып түсірілгені белгілі болды, деп хабарлайды Neonomad.kz ақпарат агенттігі.
«Бұл ұшақ адам қателігі салдарынан атып түсірілді», – деп жазылған ресми мәлімдемеде.
Аталған мемлекеттің сыртқы істер министрі Мұхаммед Зариф марқұм жолаушылар мен экипаж мүшелерінің жақындарынан кешірім сұрады.
«Қайғылы күн. АҚШ-пен арада болған кикілжің кезінде ұшақтың адамдар қателігінен атып құлатылғаны белгілі болды. Яғни апатқа осы нәрсе себе болды», – деді министр.
Украиналық ұшақты Иранның соғысқа дайындық жүргізіп жатқан әскерлері атып түсірген. Яғни олар жолаушылар бортын АҚШ-тың әскери ұшақтарымен шатастырған.
Естеріңізге сала кетсек, Тегеран маңында украиналық ұшақ құлап, ішіндегі адамдардың барлығы көз жұмған еді.
