Желіде Көк-төбеде жасөспірімнің аттракционнан құлаған сәтінің видеосы жарияланды, деп хабарлайды Neonomad.kz ақпарат агенттігі.
Видеода баланың қалай құлағаны анық көрсетілген. Бұған дейін қалалық қоғамдық денсаулық сақтау басқармасы пікір білдірген болатын.
«Науқасты жедел жәрдем тобы Алматыдағы балалар шұғыл медициналық орталығына алып кетті. Дәрігерлер оны тексерді. Ол барлық қажетті медициналық көмекті толық алады. Баланың жағдайы тұрақты», – деді басқармадағылар.
Полицияның баспасөз қызметіндегілер 13 жастағы баланың 2 қаңтарда құлағанын, ата-анасының саябақ әкімшілігіне шағымы жоқ екенін мәлімдеді.
