Астролог Гүлмира Махметова мен экстрасенс Бақыт Жұматова қайғылы оқиғаның болу себебін түсіндірді, деп хабарлайды Neonomad.kz ақпарат агенттігі Хабар арнасының «Давайте говорить» бағдарламасына сілтеме жасап.
Астролог Гүлмира Махметова 26 желтоқсанда күннің тұтылғанын тілге тиек етті. Сондай-ақ, ол күн тұтылудың тағы үш күнге жалғасатынын хабарлады.
«Күні кеше күн тұтылды. Бұл өте қиын уақыт. Сол себепті жылдам шешім қабылдаудан сақтану қажет. Бұдан өзге үйде отырған жөн», – деді Гүлмира Махметова.
Әрі қарай оның сөзін Бақыт Жұматова да қоштады.
«Расымен де, сол кезде күн тұтылды. Біз барлығы оқи алатындай етіп жаздық. Бірақ бұл адамдар неге осы күні ұшты? (…) Астрология – тұтас ғылым. Қаза тапқандардың жақындарына көңіл айтамын», – деді маман.
Аталған бағдарламаны көрген желі қолданушылары оны сынға алды. «Өлімнен шоу жасау»,
«Рейтинг қуалау. Бұған қарау өте аянышты және күлкілі», «Одан да бұл бағдарлама шықпағаны дұрыс еді» деп жазды олар.
«Негізінде біз жаңа жылдық мерекелік бағдарлама жасағымыз келген. 2019 жылды қорытындылап, жаңалықтармен бөліскіміз келген. Алайда, өмірдің өз жоспары бар», – дейді Айгүл Мүкей.
