Бүгін, 27 желтоқсан күні, Алматы қаласынан Нұр-Сұлтанға бағыт алған ұшақ құлап, 15 адам көз жұмды. Мерт болғандардың арасында танымал продюсер Баян Алагөзованың туысы болған, деп хабарлайды Neonomad.kz ақпарат агенттігі.
Осы орайда танымал сәнгер Динара Сәтжан құрбысына көңіл айтты.
«Диляра Қайдар, Баян Алагөзова, Айсәуле Бақытбек сіздерге көңіл айтамын», – деп жазды ол желідегі парақшасында.
Естеріңізге сала кетсек, бұған дейін Bek Air ұшағы апатында Қазақстанның генералдар кеңесінің төрағасы көз жұмғаны туралы ақпарат тараған-ды.
«Генералдар кеңесі» үкіметтік емес ұйымы төралқасының төрағасы, әділет генерал-майоры, КСРО ІІМ-нің еңбек сіңірген қызметкері Қайдаров Рүстем Есімханұлы ұшақ апатынан қаза тапты. Бұл ақпаратты қоғамдық бірлестіктің мүшесі Махмұт Телегусов растады.
