Ташкент облысының Кибрай ауданында бір отбасының 16 мүшесі газға уланды. Ақпаратқа қарағанда, зардап шеккендерге медициналық жәрдем көрсетілді, құрбан болғандар жоқ, деп хабарлайды Neonomad.kz ақпарат агенттігі.
Өзбекстан ішкі істер министрлігінің тергеу департаменті оқиға 1 желтоқсанда жергілікті уақыт бойынша таңғы сағат 5:30-да болғанын хабарлады. Газға бір отбасының 16 мүшесі уланған, олардың он бірі бала болған.
Төтенше жағдайдың неден орын алғаны анықталып жатыр.
Өзбекстанда қыста газға уланатындар саны көп. Соңғы айда газдан уланып, 20 адам қаза тапқан.
