Алматы қаласының әкімі Бақытжан Сағынтаев өңірдің әлеуметтік-экономикалық дамуы туралы есеп беріп, қанша жалақы алатынын ашып айтты, деп хабарлайды Neonomad.kz ақпарат агенттігі.
Дәстүрлі баяндамадан кейін әкімге қанша жалақы алатыны туралы сұрақ қойылды.
«Қолыма 850 мың аламын», – деді қала басшысы.
Әрі қарай ол «Нұр-Сұлтан қаласын сағындыңыз ба?» деген сауалға жауап берді.
«Сағынбау мүмкін емес. Мен Алматыға 21 жылдан кейін оралдым, елестетіп көріңіз: мен осында тұрмын. Мен мұндағы барлық құрылысты, әр нүктені жақсы білемін. Сондықтан, Алматы, Нұр-Сұлтан – менің сүйікті екі қалам». – деді ол.
Ол қай қаланы көбірек жақсы көреді деген сұраққа, екеуін бөлуге болмайды деп күлімсірей жауап берді.
«Нұр-Сұлтан – бұл астана. Қайда өмір сүрсеңіз де, елорда әрқашан бірінші орында», – деп түйіндеді әкім.
