Әнші Айгүл Иманбаева әлеуметтік желідегі парақшасында бейтаныс ер адаммен түскен суретін жариялады. Бір қарағанда екеуін қос ғашық деп ойлауға болады, деп хабарлайды Neonomad.kz ақпарат агенттігі.

Әнші бөліскен суреттің тұсына «Осылай болды енді» деп жазды. Желі қолданушыларының пікірі екіге айырылды. Бірі оларды ғашыққа баласа, енді екіншілері фильм немесе бейнебаяннан үзінді деп топшылады.

«Кинода ғана емес, өмірде де осылай тұруды нәсіп етсін», «Бір-бірлеріңізге сондай жарасасыздар», «Бақытты болыңыздар», «Сіз бақытты болуға лайықсыз», «Бұл жаңадан түсіріп жатқан бейнебаяны емес пе?» деп жазды желі қолданушылары.

Артынша суреттегі азаматтың танымал фитнес-жаттықтырушы Ақпар Жармағамбетов екені белгілі болды. Ал сурет, расымен де, бейнебаяннан бір үзінді.