ҚР Еңбек және халықты әлеуметтік қорғау министрлігі мамандарының болжамы бойынша, 4 және одан да көп баласы бар 346 мың көп балалы отбасы мемлекеттік жәрдемақы алуға өтініш бере алады, деп хабарлайды Neonomad.kz ақпараттық агенттігі Zakon.kz сайтына сілтеме жасап.
Бұл Мекмлекет басшысының Қазақстан халқына жолдауының бастамасы. Тоқаевтың тапсырмасымен Еңбек және халықты әлеуметтік қорғау министрлігі әзірлеген атаулы әлеуметтік көмек көрсетудің жаңа тетіктерінде (бұдан әрі – ӘҚБ) қарастырылған аз қамтамасыз етілген және көп балалы отбасыларды қолдаудың негізгі үш бағытының бірі. Таяу уақытта ҚР Еңбек және халықты әлеуметтік қорғау министрлігі тиісті заң жобасын ҚР Парламентінің қарауына ұсынуды жоспарлап отыр.
Аталған мемлекеттік жәрдемақы 4 немесе одан да көп кәмелетке толмаған немесе 23 жасқа дейінгі күндізгі бөлімде оқитын балалары бар барлық көпбалалы отбасыларға табысына қарамастан төленеді.
Мемлекеттік жәрдемақының мөлшері бала санына қарай есептеледі. Мәселен, 4 баласы бар отбасыларға 42 мың 500 теңге, 5 балаға – 53 мың 125 теңге, 6 балаға – 63 мың 750 теңге, 7 және одан да көп балаларға 74 мың 375 теңге төленеді.
Орта есеппен алғанда, жәрдемақы мөлшері әр балаға 10-11 мың теңгені құрайды, бұл 2018 жылдан бастап тоқтатылған осыған ұқсас жәрдемақыдан 4-7 есеге көп.
Еске салайық, 7 қазанда ҚР Үкіметінің отырысында Еңбек және халықты әлеуметтік қорғау министрі Біржан Нұрымбетов АӘК ұсынудың жаңа тетіктерін ұсынды, оны Қазақстанда 2020 жылдың 1 қаңтарынан бастап енгізу жоспарлануда.
